ज्ञानदीप इन्फोटेक आणि स्वयंउद्योजक

नोकरीपेक्षा स्वयंउद्योजकतेचे ध्येय विद्यार्थ्यांनी ठेवावे यासाठी ज्ञानदीप फौंडेशनच्या माध्यमातून गेली अनेक वर्षे विविध उपक्रम आणि प्रशिक्षण शिबिरे घेतल्यानंतर आता स्वयंउद्योजकांच्या मदतीसाठी ज्ञानदीप फौंडेशनने आपले प्रत्यक्ष सहकार्य देण्याचे ठरविले आहे. इस्लामपूरचे नवउद्योजक श्री अक्षय दाभोळे यांच्या क्वांटीएड या इंडस्ट्री -4 च्या सेवा सुविधा देणा-या कंपनीशी सहकार्य करण्यात य़ेणार असून प्रोडक्ट आणि सॉफ्टवेअर विकासाच्या कार्यात ज्ञानदीपची टीम सहभागी होणार आहे.

याशिवाय ज्ञानदीप फौंडेशनतर्फे क्वांटीएड सेवासुविधांचे डिजिटल मार्केटींग करण्यात येणार आहे. ज्ञानदीप इन्फोटेक आणि ज्ञानदीप फौंडेशन या दोन्ही संस्थांनी स्वयंउद्योजकांना एकत्रितपणे मदत करण्याचे ठरविले असून त्याचा उद्योजकांनी लाभ घ्यावा.