Robu.in या कंपनीची प्रेरणादायी जन्मकथा

Robu.in या कंपनीची खालील जन्मकथा वरेच काही सांगून जाते. आज बहतेक युवावर्ग चांगल्या नोकरीसाठी धडपडत आहे. मात्र नोकरी मिळाल्यावर त्यांना आपले काहीतरी गमावल्याची खंत वाटते. नोकरी सोडून स्वतःचा उद्योग वा व्यवसाय करणे इतके सोपे नसते. पण अपयशाने खचून न जाता जिद्दीने प्रयत्न केल्यास उत्तुंग यश गाठता येते. Robu.in कंपनीच्या संस्थापकांच्याच शब्दात … संदर्भ. https://robu.in/about/ (मराठी रूपांतर) आपण आज आमच्या वेबसाईटचे हे पान पहात आहात यावरून आमच्याबद्दल आणि आमच्या कंपनीहद्दल माहिती जाणून घेण्यास आपण उत्सुक आहात आणि मी ROBU च्या 4 संस्थापकांपैकीच एक असल्यामुळे हे सांगण्यासाठी मी योग्य व्यक्ती आहे असे मला वाटते. स्पष्ट प्रश्न असा आहे की ROBU म्हणजे काय? पण त्याहूनही महत्त्वाचा प्रश्न म्हणजे ROBU अस्तित्वात का आहे? आम्ही ही कंपनी का सुरू केली? याचे उत्तर देण्यासाठी आपल्याला 2010 मध्ये मागे जावे लागेल. आम्ही, 4 संस्थापकांनी, अभियांत्रिकीमधून पदवी प्राप्त केली आणि विविध कंपन्यांकडून आम्हाला चांगल्या ऑफर होत्या. त्यानुसार आम्‍ही आमच्‍या करिअरची सुरुवात चांगली पॅकेजसह केली आणि सर्व काही छान चालू झाले. पण लवकरच आमच्या लक्षात आलं की आपलं काहीतरी चुकतंय. येथे पैशाचा मुद्दा नव्हता, समाधानाचा होता. आणि ते मिळत नव्हते. तेव्हा आम्ही खूप गोंधळून गेलो होतो. आम्ही फोनवर तासनतास एकमेकांशी चर्चा करत असू आणि काय करायचे ते प्रत्यक्ष भेटून ठरवण्यासाठी अनेक पर्यटन सहलीही केल्या. शेवटी वर्षभरानंतर आम्ही आमची नोकरी सोडली. असलेली चांगल्या पगाराची नोकरी  सोडायचा निर्णय  स्वतःच्या मनाला  पटवून देणं एवढं सोपं नव्हतं, पण त्याहूनही कठीण होतं ते आमच्या पालकांना पटवणं! आणि हा दोष  त्यांचा नव्हता. आमच्याकडे त्यावेळी कोणतेच नियोजन नव्हते. नोकरी सोडल्यानंतर एकत्र भेटण्याचा आणि आपण कोणता व्यवसाय करू शकतो याचा विचार करायचा एवढा एकच प्लॅन होता. वेडा वाटतो ना, बरोबर? अगदी मलाही आता  तसेच वाटते की ती एक वेडी कल्पना होती. आणि तिथेच आमचा जीवन संघर्ष सुरू झाला. आम्ही चपाती बनवण्याचे यंत्र बनवायचे ठरवले. मशीन बनवण्यामध्ये ज्ञान, बाजाराचा अभ्यास किंवा टाइमलाईन आखणी असे  कोणतेही कौशल्य न घेत. आम्ही 2 वर्षे खूप धडपड केली. शेवटी आम्ही शेवटी अशा  टप्प्यावर पोहोचलो की आणखी पैसे नाहीत,  मशीन विकून  यश मिळण्याची काही  आशा नाही आणि आजूबाजूचा दबाव ……. आम्ही नापास झालो. पूर्ण अपयशी ठरलो. नाइलाजाने आम्ही आमचा मशीन बनवण्याचा व्यवसाय संपवण्याचा निर्णय घेतला. पण सुदैवाने व्यवसाय करण्याची आमची स्वप्ने अजूनही जिवंत होती. पुढे काय करायचे हे ठरवण्यासाठी आम्ही स्वतःला ६ महिने दिले आणि तोपर्यंत आम्ही आमच्या वाट्याला आलेल्या सर्व प्रकारच्या नोकऱ्या केल्या. सोर्सिंग, ट्रेडिंग, मॅन्युफॅक्चरिंग, डिझायनिंग, अक्षरशः काहीही आम्ही करत राहिलो. स्वतःला टिकवण्याचा एकमेव हेतू त्यामागे होता. या 6 महिन्यांत, आम्ही अनेक विद्यार्थी, व्यक्ती, कंपन्या आणि इतर संस्थांना भेटलो. तेव्हा आमच्या लक्षात आले की त्यांना इलेक्ट्रॉनिक हार्डवेअर उत्पादनांची आवश्यकता आहे. ही उत्पादने भारतात सामान्यपणे उपलब्ध नव्हती आणि ती खूप महाग आणि परदेशातून मिळवणे कठीण होते. चपाती मशिन बनवण्यासाठी आम्ही धडपडत असताना देखील आम्हाला याच समस्येचा सामना करावा लागला आहे हे आमच्या लक्षात आले. तो आमचा युरेका क्षण होता. थोडेसे नियोजन आणि काही मेहनतीने कमावलेल्या पैशाने, ROBU.IN चा जन्म 2014 मध्ये सर्व प्रकारच्या इलेक्ट्रॉनिक हार्डवेअर, घटक, रोबोटिक, यांत्रिक आणि DIY उत्पादनांसाठी एक ई-कॉमर्स प्लॅटफॉर्म म्हणून झाला. पण, ROBU ला आजच्या स्थितीत पोहोचवणे ही काही सोपी गोष्ट नव्हती. ई-कॉमर्स प्लॅटफॉर्मची स्वतःची काही आव्हाने होती. पण त्या 2 दीर्घ वर्षांच्या वारंवार अपयश आणि संघर्षांमुळे आम्हाला ROBU ला आमच्या चौघांच्या एकत्र प्रयत्नांतून  आजच्या स्थितीत नेण्यात खूप मदत झाली. आज भारत मोठी प्रगती करत आहे. इनोव्हेशन आघाडीवर आहे आणि ही क्रांती घडवून आणणारे लोक निर्माते आणि नवोन्मेषक आहेत. या निर्मात्याच्या क्रांतीला पाठिंबा देण्यासाठी आणि गती देण्यासाठी आणि भारताला पुढे नेण्यात भूमिका बजावण्यासाठी ROBU अस्तित्वात आहे. मी हे रॉबर्ट फ्रॉस्टच्या काही ओळींनी संपवतो ज्यात आमचा आतापर्यंतचा प्रवास उत्तम प्रकारे चित्रित केला आहे…. “दोन रस्ते जंगलात वळले, आणि मी – कमी प्रवास केलेला मी घेतला आणि त्यामुळे सर्व फरक पडला आहे” Robu.in या कंपनीची वरील जन्मकथा वरेच काही सांगून जाते. अशा नवोदित  स्वयंउद्योजकांच्या कार्यात यथाशक्ती सहभागी होऊन तसेच ज्ञानदीप फौंडेशनच्या माध्यमातून  डिजिटल मार्केटिंग करण्याचे  ज्ञानदीप इन्फोटेक कंपनीने  ठरविले आहे. आयटी, पर्यावरण आणि शिक्षणक्षेत्रात उ्योग सुरू करण्याची इच्छा असणा-या व्यक्तीनी ज्ञानदीपशी (info@dnyandeep.com) संपर्क साधावा ही विनंती.  ---- डॉ. एस. व्ही. रानडे, ज्ञानदीप, सांगली