माझी मराठी माऊली (maajhii maraaThii maaulii)

माझी मराठी माऊली  (maajhii maraaThii maaulii)
सार्‍या जगाची सावली (saaryaa jagaacii saavalii)
घरी गं माझ्या आली (gharii ga maajhyaa aalii)
माझी मराठी माऊली --- १(maajhii maraaThii maaulii ---1)

शालू सखूचा ल्यायिली (shaaluu sakhuucaa lyaayilii)
पैठणी बहिणाई आणिली (paiThaNii bahiNaaii aaNilii)
साऱ्या जगी देखणी (saaryaa jagii dekhaNii)
माझी मराठी माऊली --- २(maajhii maraaThii maaulii ---2)

चोळी जनीच्या हाताची (coLii janiicyaa haataacii)
जरी मुक्तीच्या काठाची (jarii muktiicyaa kaaThaacii)
अंगी मऊ मखमली (aMgii mauu makhamalii)
माझी मराठी माऊली ---- ३(maajhii maraaThii maaulii ----3)

हार नाम्याने घातला ( haar naamyaane ghaatalaa )
गजरा सावत्याने माळिला (gajaraa saavatyaane maaLilaa)
पैंजण नाथा घाली (paiMjaNa naathaa ghaalii)
माझी मराठी माऊली ---- ४(maajhii maraaThii maaulii ----4)

चुडा तुक्याने भरविला (cuDaa tukyaane bharavilaa)
मुकुट ज्ञान्याने चढविला ( mukuT dnyaanyaane caDhavilaa)
सकला हाती धरी ( sakalaa haatii dharii)
माझी मराठी माऊली ----५(maajhii maraaThii maaulii ----5) 

गजर करिती वारकरी (gajar karitii vaarakarii)
जमती विठूच्या नगरी (jamatii viThuucyaa nagarii)
पंढरी खरी दुमदुमली ( paMDharii kharii dumadumalii)
माझी मराठी माऊली ---- ६(maajhii maraaThii maaulii ----6)

माझी मराठी माऊली (maajhii maraaThii maaulii)
गंगा ज्ञानाची जाहली ( gangaa dnyaanaacii jaahalii)
दिगंतरासि निघाली ( digaMtaraasi nighaalii)
माझी मराठी माऊली ---- ७(maajhii maraaThii maaulii ----7)

Above poem is taken from Kavyadeep Poem book by Shubhangi Ranade. 

You can download the Kavyadeep App from Google play store.